Әлеге шәһәрдә «Киез итекләр» («ЗАВАЛЕНКИ») регионара фольклор-этнографик һөнәрләр фестивале үткән.
Барлык халык белән бергә Темников районында яшәүче барлык милләт халкы рәхәтләнеп катнаштылар, шул исәптән татарларыбыз да. Мәсәлән, рәсемдә «Митряловский» белән «Тархановский» авыл клублары хезмәткәрләре милли татар тәмле ризыкларыбызны тәгъдим иттеләр.

«Алмаз» мәдәни-спорт үзәгендә Мордовия Автономияле өлкәсе оешуга 95 ел тулуны һәм тыюлыклар, милли парклар көнен бәйрәм итү кысаларында Ичалки районы муниципаль координаторы Наталия Михайловна Зубова укучылар өчен республикабызның тыюлык урыннары, урманнары, хайваннары һәм кошлары турында кызыклы викторина үткәргән.

Центр образования Саранск шәһәре «Тавла» дигән мәгариф үзәгенең №17 урта мәктәбе 1г сыйныф укучысы Хабибуллин Данис Россия спорт үзәгенең беренчелегендә йөзү буенча өч дистанциядә беренче урынны яулаган.
Ярышта ирекле стиль белән 50 м, брасс белән 50 м, аркада 50 м йөзү буенча иң яхшы нәтиҗәләргә ирешкән һәм лаеклы беренче урыннарны алган.
Котлыйбыз һәм алга таба җиңүләр телибез.

Ләмберә районы Кривозерье авыл клубында тулы аншлаг белән «Уйнагыз, гармунчылар!» конкурсы үтте.
Конкурс программасында Ләмберә, Кырви-Кривозерье, Татар Тавласы, Пензятка, Берсеневка, Александровка, Николаевка авылларыннан артистлар катнашты.