Беренче январда татар әдәбияты классигы, шагыйрь, драматург Һади Такташның тууына 125 ел тулды. Әлеге уңайдан татар җәмәгатьчелеге шагыйрьнең Казанда урнашкан һәйкәле янында җыелды, дип яза Интертат корреспонденты Зөлфия Шәвәлиева. Чарада Татарстан Язучылар берлеге, ТР Мәдәният министрлыгы һәм Галимҗан Ибраһимов исемендәге Тел, әдәбият һәм сәнгать институты вәкилләре катнашкан.

Рузаевка шәһәрендә «Күпмәдәни мирас шартларында мәктәп укучыларына белем һәм тәрбия бирү» III республика педагогик фәнни-гамәли конференциясе узды. Кадошкино урта мәктәбе педагоглары ел саен әлеге чарада актив катнаша.
Агымдагы уку елында да рәхәтләнеп катнашканнар. «Балаларга рухи - әхлакый һәм патриотик тәрбия бирүнең күпмәдәни традицияләре» секциясендә тарих һәм җәмгыять белеме укытучысы Равил Харис улы Казанбаев «Йомышлы татарлар костюмының эволюциясе» дигән доклад белән чыгыш ясаган.

Ел башланды һәм татар әдәбиятында олы урын алып торган язучыларның бер-бер артлы түгәрәк даталары башланды. Беренче январьда язучы һәм публицист Фатих Әмирханның тууына - 140, новатор шагыйрь Һади Такташның тууына 125 ел тулды. Ә 2026 елның 26 апрелендә татарның бөек шагыйре Габдулла Тукайның тууына шулай ук 140 ел була.

Саранскта заказлар бирү пунктының 22 яшьлек менеджеры клиенттан акча урлауда гаепләнә.
Россия Эчке эшләр министрлыгының Ленин районы территориясендәге җинаятьләрне тикшерү бүлеге тарафыннан җинаять кылуда гаепләнүче 22 яшьлек җирле кешегә карата РФ Җинаять кодексының 159 маддәсенең «Мошенничество» өлеше белән каралган җинаять эшен тикшерү тәмамланган.