Ләмберә районы ООО «Нива» ветеринария табибы Ренат Раиль улы Ибрагимов предприятиедә 2011 елдан бирле эшли. Бу вакыт эчендә үзен оста белгеч итеп танытты. Аның эшенә намуслы каравы, һөнәри осталыгы күренеп тора. Җитәкчеләр моны тиз арада күреп ала һәм гаиләсенә йорт төзү өчен участок бүлеп бирәләр, хәтта йортын төзү өчен миллион ярым күләмендә хөкүмәт субсидия юллый. Ренат Раиль улы Ибрагимов «Нива» ОООсында ветеринария табибы булып 2011 елдан бирле эшли. Бу һөнәргә һәвәслек мәктәп елларында ук барлыкка килә: ул чакта яшь кеше биология белән җитди мавыга һәм бу күңеленең аны авыл хуҗалыгы факультетына алып килә. Кызыксыну – кеше гамәлләренең этәргече; ул яшь кешене терлекчелек белән ныклы бәйләде. Аның фермада эшләгән беренче көннәреннән үк күрсәтә башлаган ачык йөзе тырышлыгының иң яхшы рекомендациясе булып тора.
- Дәрәҗәле яшь кеше, - ди баш зоотехник Александр Вениаминович Наточев, - намуслы һәм оста белгеч. Өч ел элек ул Голландиянең «Herd Health Consultancy» фирмасы директоры Йохан Бийлсмга сөт терлекләренең продуктлылыгын арттыру эшендә теләп ярдәм итә башлады. Нәтиҗәдә, ел саен һәр сыердан бирелә торган сөт күләме мең килограммга артты, һәм 2020 елда, баш зоотехник Наточев иптәш әйтүе буенча, сигез мең килограммнан кимрәк булмаячак, дип ышаныч бар.
Эштә уңган, тормышта да төшеп калганнардан түгел. Ренат, Первомайскка туганнарына кунакка йөргәндә, рус кызы Еленаның намуслы һәм ышанычлы икәнен күреп ала. Озакламый ул кызны әти-әнисе йортына алып кайта. Матур гына яшәп китәләр. Елена үзенең чәчтарашханәсен ачып талантын гына түгел, ә бәлки оста оештыручы күнекмәләрен дә күрсәтә. Өйгә ямь өстәп, уллары Равиль һәм кызлары Регина үсәләр.
Ренат Раиль улының эшендә тынгысыз омтылышы һәм кеше шәхесенең төрлелеге җитәкчелек тарафыннан хупланып аңа 15 сутый җир дә бүлеп биргәннәр. Җирне эшкәртү өчен Ренат мотоблок сатып алган, ә тормыш иптәше шунда гаилә өчен кирәкле культуралар үстерә.
- Әлегә әти-әниләребез йортында яшибез, - ди Ренат, - быел үзебезнекенә күчәргә планлаштырабыз. Ул чакта улымның техникага тартылуын җайлаштыру мөмкинлеге дә барлыкка киләчәк.
Равиль сигезенче сыйныфта укый, әмма киләчәккә планнар кора. Алга киткән яшь буын хәзерге заман шартларында шәхси сыйфатлар хисабына гына тормышта үз урынын табарга мөмкин булуын яхшы аңлый. Күрәсең, техникага тартылу һөнәр сайлауда чагылыш табачак. Моңа аларның җиденче модель «Жигули» машинасы булуы да ярдәм итә.
- Әтием бик иртә якты дөньядан китүенә карамастан, мине күп нәрсәгә өйрәтеп калдырды. Ул теләп үзенең тормыш белемнәре белән уртаклашты, үз-үзеңне тотуның мораль үзенчәлекләрен өйрәтте, - дип үз фикерләре белән уртаклашты Ренат Раиль улы Ибрагимов. – Уйлавымча, аның фәнен нык үзләштердем дип уйлыйм һәм киләчәк буында да белемле, тырыш, ярдәмчел булу, кешелеклелек, намуслылык һәм башка сыйфатларны тәрбияләргә кирәк.

Н. ХӘЛИЛ